خاوِ خزل

خاوِ خزل

دِیه شَو دیمه خاو دارِ بلینی
ته ک دایودِن له سای خانِ که لینی

ئی خانَ به رزیو جیور سفید چنار
گونای دِره وشی جیور دانه ی اِنار

بازوی پیچیو منِس وه روسه م
سه رپنجه ی قه یو ستیونی موحکَم

مالومی حالی فره ناخوه شیو!
مه ریزو خوارو له حالِ خه شیو !

پِرسی مِ ناسید زانی مِ کیِم؟
مِ ایژدادِدِم بیگانه نیِم!

اَرواحِم هِه وای وه تَن کردیَه!
هِوای میرکان وچیمَن کِردیه!

ئِرا اولادِم فرَه خارینم
په ژاره بارِم دل ئاگرینم!

وِت وه کوچیه اقتداردان؟!
ده سِ بردَه یلِ بی شوماردان؟!

ئرا نیه دِریان له پیشتِ برا؟!
ئرا وه دِژمن مَه یَه یدِن گِرا؟!

ئرا وه ردِ یه ک میرَه بان نیین؟!
اولاد مِ مه ر موسلمان نییین؟!

دی له بیشتِر نکلِنِن زامم!
کوره و کردینه آوازه ی نامِم

دیورَه و بِکَفِن له دیوو دَه دان!
ده رمانِ ده ردِم هه ها لای خوه دان!

لانه ت کِل بکَه ن وه دلِ شَیتان
له چپ وله راس بچِن وه مَه یدان!

هاومال خزل گشتی هاکه مین
تاجنازه دان بخه ن له زَه مین

بنَه نو کنار ئی تیره و هوزه
پیشت یه ک بگرِن له ی ته پ وتوزه!

شیروان چرداوِل گشتی خزلِن
ژن و پیایان اولادِ منِن

هه رکه نِفاق خه ی بی اسل و پایه س!
هه رکه بابِراس وَه حِلال زایه س!

یاعه مَل بکَه ن وه نسیحَتم
اگرگوش نِیه کَین بِکَن لَه ت له تِم!