عَه روس زاگرِس،قُلّه ی مانیشتِم
له جه ورِدوران،خَه م بیه پیشتِم
مه سرگُزه یشتِ،هزاران سالِم
داخ ِ ره فیقه یل ، هابانِ یالم
بانکول وچریور،پادامَه نِمِن
باخ ونوشک و گیوجو وَه نِمِن
قدیم میلکانِ،ایلِ خزلِم
تاریخِ عیلام،زه بتَه له دلِم
شونِ که ل وَه زو،شکارگای خانِم
شادی وشیون،رَه ژیاسَه گیانم
دَه روَنِم پِرّ،له پلِنگ و شیریو
له شکارِکه ل،زگِیان تیریو
تفریحگایِ سپای،انوشیروانیوم
مِه ئاسو به رزِ،قِلاقیرانِیوم
له چوارفسلِ سال،عه ینِ بهَیشتم
دلنشین تِرله البِرزِ ره یشتِم
بازی دراز ومیمگ بِرامِن
بمو و پرّاو،خالوخوارزامِن
پیایلِ ایلی،له ی دارِسانَه
کیوچ کردِن وَه رَه و،ئو قَورِسانَه
میلکانیل چول،هیشتن وه جِیَه و
خاتره یلیان ، فراموش نِیَه و